澳門之旅

七點一早起身..好似返工一樣

跟住搭巴士同小明星會合

hehe..由見面開始就係食o既開始

未搭船..一人一個早餐

搭船就唸住休息一下...點知架船左搖右擺

做慣水上人o既我都覺得好暈...真係瞓唔到

去到lu~~~第一個目的地係去新馬路..

我地先去一間保記食咖哩牛腩麵...個賣相一般但好食呀!!

然後去大三巴..唸住食禮記食鮮果撈同食六記紅豆餅..

好可惜---禮記執左而六記唔知執左定無開..

算啦!!行下大三巴...沿途就食下試食

影下相..就離開大三巴..去左一間榮記食豆腐花

本書話榮記曾有"全澳最滑"稱號,但係都唔係好好食...

跟住返氹仔... 先去食莫義記的甜品----我食芒果大菜糕..小明星吃榴槤雪糕
一心去食三點鐘新鮮出爐豬扒包
天呀!!!!大利來竟然休息七天..有問題ga...
真係有d失望...唯有去食其他...
我地去食新好利食燕窩蛋撻同豬扒包補數(豬扒包唔夠大利來好食)
再走過對面達榮食魚翅湯麵

個湯底好好味又唔口渴..good..

返酒店前...順便去小飛象食埋葡撻

wow...係時間休息...準備金沙buffet

出發lu~~~我地先去新起漁人碼頭..

漁人碼頭...not really good...無咩o野睇

火山d遊戲仍然暫停...得返d好無聊遊戲同埋d商店

而且好多都未起好...真係可以遲d先去(我逗留左30分鐘左右)

哈哈去金沙食buffet...超多款食物....食物新鮮

我同小明星都食左好多..又抵食..都係$200左右

我地食左兩個半鐘..hehe...跟住返酒店sleep lu

第二日係酒店食早餐..我覺得無咩好食..食左少少o野

就出發去路環....行下十月初五馬路..玩下健身設施..影下相

再去譚公廟..我入去拜一拜..

去安德魯餅店食葡撻同法國三文治(無想像中o甘好食)

我地就出返市區(荷蘭園)..去松山遊覽...

個松山唔係好高...行上去都好快到

感覺好似去左縮水版太平山

上到去當然係影相..影下防空洞..大炮..燈塔等等

跟住又行返落山...去食另一間禮記(呢間係整雪糕)

食左三色雪糕同三文治雪糕..d雪糕好有味道..唔同其他

最好味係蜜瓜同士多啤

再去三盞燈影相..同埋去珍榮食咖哩辣魚包(都好味道)

我地沿途就經過d商店就影下相...仲有食龍鬚糖..good

接住就去博殺..好緊張呀!!!!

我地玩老虎機...唱$100玩...

我地覺得賭錢=倒錢....都唔知點玩

玩左好多鋪都係輸多過贏..幸好最後小明星幫我收回失地

埋單輸$6..hoho~~~~~

又去返大馬路..睇下六記有無開...點知都係無...算吧!!!!

唯有食其他啦!!!!又買豬扒包同一杯珍珠麥奶飲..休息一下

順便行歷史古蹟盧家大宅...

再買d好似打邊爐o既食物..又係好抵..買左四五樣食物都係$12

又行多陣...去左瑪嘉烈蛋撻店...哈哈..又食葡撻同葡包..一般la

跟住去添發食真材實料碗仔翅...好美味

去埋添發對面間三可買加蛋餅

再去買dd手信la..hoho

差唔多時間返歸lu......

返去隻船好d..可以瞓到

一個鐘到..back to HK

送小明星回家...

美食團就完結LU