Cebu + Bohol ----- Day 4

經過幾天早起~ 今天決定遲少少wake up
時間係930am (比較前兩天已很好了)
不過執下行李又已經差不多11點了
放低行李係酒店大堂~ 我們開始旅程了

第一時間一定係搵地方醫肚
我地去了附近Robinson商場food court 食野
我食鐵板燒, 小明星食魚 (成日食魚)
食完就去行下...結果小明星終於買到野送俾自己
見佢開心~ 我都happy~

再去Carton Market/Flea Market 走走
個度真係可以feel 到當地人生活~
真係好純樸~過著好簡單的生活

去到好好好好好熱... 食左杯雪糕 (價值一蚊)
都係頂唔順...去買左把籐扇撥下涼
小明星就開始掃貨了~ 我就幫手格價
我只係買左一頂帽~
發覺哩個market d野超抵~ 買左好多..可能係批發市場

臨走還買了花送給小明星

又要起行去第二度~ 行去唔係好遠ge Magellan's Cross
哩度只有一個好細建築物~裡面有一個大十字架
由於好攰.. 我地係裡面休息一下再影下相

我地就去最後一個景點 ----Ayala Mall
個feel好係美國d shopping mall (不過就無美國咁多野買)

hehe~ 我地又去食野..今次食chicken ----> Kenny Rogers Roasters
除了食雞, 仲有好多其他款式 (三文治, pizza, 沙律......)
香港有哩間野就好啦!!!!! 好好食
再行多一陣....最後衝刺行多轉supermarket同department store
最後就買了衫同食物....

返酒店拎行李搭的士走了

去到機場...諗住用埋d錢..但係覺得好唔抵...無買野
我地用淨d $$$買雪糕返家...可惜係遲了一步
俾一班香港男人掃晒......佢地買左好多 !!!!!!!!!!!!

好彩....原來要俾terminal fee P550.. 真係唔知道呀~
一個俾Peso...一個俾HK$
仲有好少Peso ....我地買埋芒果乾...上飛機

上飛機....電視成日無畫面 >.<

我們第二天又要上班了